رانيا التومي.. تكشف سر علاقتها مع خالد يوسف وكيف قدمت نشرة طقس ببدلة الرقص؟!
![رانيا التومي](https://zenobiapost.com/wp-content/uploads/2023/05/رانيا-التومي34-698x470.jpg)
كشفت الإعلامية التونسية رانيا التومي، أسراراً جديدة حول حياتها، وسبب قبولها العمل مع المخرج المصري خالد يوسف، وكيف قدمت نشرة الأخبار الجوية ببدلة الرقص.
وحول تقديمها النشرة الإخبارية في برنامج “ديما لاباس” على شاشة قناة التاسعة التونسية ببدلة الرقص والطبلة، قالت رانيا: “أنا عمري ما تعمدت أركب التريند. فيه ناس كده ربنا بيديها قبول وربنا بيديها حاجة لما تكون موجودة في أي مكان كل الناس بتجري وتتكلم عليها”.
وأضافت: “قلت مش عايزة أعمل زي المذيعين التانيين ومش عايزة أبقى كلاسيك وعايزة أكون مميزة لنفسي. لأني بحب الشغلانة جدًا وبعملها بشغف ومهمنيش. بس هو ده اللي بحبه وقولت لازم أكون مختلفة. وعايزة الناس لما تتفرج تشوف حاجة حلوة، أنا قولت ألمس فئات معينة”.
![](https://zenobiapost.com/wp-content/uploads/2023/04/رانيا-تومي.jpg)
مسلسل سرة الباتع
أما عن مشاركتها في مسلسل “سره الباتع”، قالت رانيا: “خالد يوسف هو اللي رشحني. كلموني المساعدين ومصدقتش في الأول، بعدين طلع بجد ومكنتش مصدقة”.
وتابعت: “قلت يا رانيا لازم تفكري، مبحبش استبق الاحداث فلو جيت مصر لازم أكون مسئولة على نفسي وعلى شغلي. لو انا مش قد ده مروحش، ده التحدي الكبير بالنسبة لي”.
واستطردت: “اتواصلت مع خالد يوسف، كنت مخضوضة وخايفة مكونش قد المسئولية دي. وقالي فيه ورش لازم أخدها عشان اللي كنتي فيه حاجة وده حاجة تانية ودوري صعب ومركب جدًا”.
![رانيا التومي](https://zenobiapost.com/wp-content/uploads/2023/04/رانيا-التومي.jpg)
وكشفت رانيا التومي تفاصيل دورها قائلة: “هي شخصية أسمها لونا. ستكون فرنسية وعايشة في مصر، الدور هاتكلم فيه باللهجتين المصرية والفرنسية. وأنا خرجت من رانيا الفرفوشة الحلوة لدور بنت تانية، في حاجات كتير اتصلحت والفضل يرجع للأستاذ خالد يوسف ومش عارفة أشكره إزاي”.
الجدير بالذكر، أنّ المسلسل يضمّ العديد من الفنانين منهم: شمس الكويتية، أحمد السعدني، عمرو عبد الجليل، أحمد فهمي، هالة صدقي، أحمد وفيق، أحمد عبد العزيز، منة فضالي، وعدد آخر من الفنانين.
والمسلسل سيناريو وحوار خالد يوسف، ويشاركه خالد كساب، وإنتاج الشركة المتحدة للخدمات الإعلامية وشركة سينرجي للإنتاج الفني.
زنوبيا بوست – فريق التحرير